19th NSF Martyrs’ Memorial Trophy : Kohima Eagles aser St Joseph College-i kokogo

Kohima, Mongputeni/October 4 (TYO): Kohima Eagles Football Club aser St Joseph College-i tanü pei tata asaya koka 19buba NSF Martyrs Memorial Trophy round of 16 tongtetogo.
Tanü asaya mezüngbuba nung Kohima Eagles FC-i goal 8-0 agi Rüsoma Village Youth and Sports Association kokogo.
Kohima Eagles FC nungi asayar pezüi goal idakja liasü.
Parnok rongnungi Khwetelhi Thopi-i goal mezüngbub aser tanabuba minute 3 aser 33buba nung idaktsü aser Rhitso Mero-i goal 3 aser 4buba minute 49 aser 60buba nung idaktsü. Maneni Mengüzelie Rütsa aser Noune Medoze natia minute 74 aser 79 buba aser mapang apuloktsür asayaba mapang goal anana idakja liasü.
Kohima Eagles FC nungi asayar Kevizapu Lhoungu o Noune Medoze aser Rüsoma VYSA nungi asayar Ruokovizo Pfükri nunger nem asaya nung yellow card kaka agütsü.
Tanü asaya tanabuba nung St.Joseph’s College Jakhama-i tie-breaker ajanga 5-4 agi Kijümetouma Village Students’ Union madak takok nguogo. Asaya mapang tembangba tashi nung telok anapronglai goal 4-4 idaktsüba sülen penalty metsüteptsüsa aküm.
Asaya nung KVSU pur atema Neitho-o Theünuo-i minute 8buba nung mezüngbuba goal idaktsü aser iba sülen minute 10buba nung Niuka-i tanabuba goal idaktsü.
Iba sülen SJC nungi asayar Edward-i minute 15 aser 22buba nung goal ana idakja score kasasa aküm.
Maneni KVSU-i Sikito ajanga minute 32buba nung tasembuba goal idaktsü koba minute 34buba nung penalty ka ajanga Kapzei-i küptok.
Asaya tanabuba shilem nung anosa KVSU nungi asayar Neitho-o Theünuo-i par telok asoshi minute 47buba nung goal pezübuba idaktsü koba mapang apuloktsür asayaba mapang nung SJC nungi asayar Kapzei-i küptoka liasü.
Takoker bendangtsü asoshi penalty metsütepba nung St Joseph’s College puri goal ponguprongla idaktsü saka Kijümetouma VSU puri goal pezü dang idakja asaya makok.
Asaya nung SJC nungi asayar Hotobo nem yellow card ka agütsü.
Mongputeni/ Oct 5 nü asaya yamai alitsü:
1. Phesama Y. O vs Sports Link FC @ 12noon
2. Charoi Chiru Naga FC(Manipur) vs White Panther (Phek)@ 2pm