1buba Dimapur Art Festival sentong aka

Hokolbarnü (18. 10. 2019) painting tetoktepba nung takok angurtem den Dimapur Art Festival achaayanger aser tetendangertem külemi tangokba noksa ka yangi angur. 

Dimapur, Mongputeni/October 18, 2019 (TYO): Supermarket, Dimapur nung tang tagidak aliba Dimapur Art Festival sentong asemnübuba nung tesemdanger/terpranger timba adenshia art maparen ngua tajangshiba aika ngua liasü, ta osang ka ajanga metetdaktsü.
1buba Dimapur Arts Festival sentong ya Eastern Art Council-i ayongzüker aser iba tetoktepba sentong nung artists tasen aser mongin balalai pei sempet tajungtiba sayudar.
Art Festival den repsema Hokolbarnü (tasemnü) painting tetoktepba sentong ka ayongzüka agia liasü.
Iba tetoktepba sentong telemsa balala nung takok angur tenüngtem yamai alitsü :
* Senior Category nung
1. St. Joseph University nungi Hinoka K Aomi-i mezüngbuba jenjang nung takok angu.
2. Pranab Vidyapith Hr. Sec. School nungi Ashim Paul-i tanabuba jenjang nung takok angu.
3. Living Stone Foundation International nungi Rishita Deka-i tasembuba jenjang nung takok nguogo.
* Junior Category nung
1. Holy Cross Hr. Sec. School nungi Olivili H Yepthomi-i mezüngbuba jenjang nung takok angu.
2. Holy Cross Hr. Sec. School nungisa Abhrajit Dey-i tanabuba jenjang nung takok angu.
3. Living Stone Foundation International (School) nungi L. Lithai Anghla-i tasembuba jenjang nung takok ngua liasü.
Takoker tenüng sangdongba sülen, October 19, 2019 Honibarnü nikongdang 2:30 ako nungi sempet lema agütsütsü asoshi sentong achaayangertemi takok angur ajak pelashishia jaoker, ta kasa sangdong ajanga metetdaktsüogo.