1buba Futsal tournament Adroit Boys-i kokogo

Kohima Local Ground  nung May 20 nü takoker Adroit Boys, Ruopfü Meyase aser asayamong ayongertem tangokba noksa nung angur.

Kohima, May 20 (TYO): Naga FC-i ayongzüka akaba 1buba Open Futsal tournament Kohima Local Ground asayaba tanü tembangogo aser Adroit Boys, Zubza-i iba asayamong kokogo.
Adroit Boys-i 1-0 agi Soccer Heroes madak takok angu. Parnoki senpet sen 30,000 den külemi trophy aser certificate agizüka liasü.
Asaya nung goal Adroit Boys nungi Zeanikho Miasalhou-i agütsü.
Runners-up Soccer Heroes FC puri senpet sen 15,000 agizük. Semi final tonga asayar Legend Lads aser A Yhome FC na prongla nem senpet sem 5000 agütsü.
Adroit Boys nungi Shürhosül Zhotso, Soccer Heroes nungi Neikethozo Yhom, Adroit Boys nungi Rajusito Nagi aser Legend Lads FC nungi Keyidwasapiung Kulimbe nungeri man of the match, player of the tournament, best goal keeper aser highest goal scorer jenjang nguteta liasü.
State Football Coach, Ruopfü Meyase-i takokernem award balala agütsü.
Iba asayamong nung telok ajak agi 45-i shilem agi.