1buba Kohima District Inter-School Football Tournament osang

Kohima, June 29 (TYO): 1buba Kohima District Inter-School Football Tournament nung Azedon aser Rüzhükhrie nati pei tata asaya koka tanabuba round-i iogo. Iba asayamong ya Royal Club Kohima-i ayongzüka local ground nung mongdar.
Mezüngbuba asaya nung Azedon-i 7-0 agi Vineyard School madak takok angu. Zepude-i mezüngbuba, tanabuba, aser pezübuba goal second 28 buba, minute 8 aser 13 buba nung goal agütsü aser iba ajanga pa iba asayamong nung hat-trick agütsür mezüngbuba kümogo. Pa ano asayamong nung goal tekaratiba agütsüsang kümogo. Asaya nung Arjun-i goal tasembuba aser pongububa minute 10 aser 31 buba nung agüja liasü.
Goal trokbuba aser tenetbuba na prongla penalty ajanga Tiawapang aser Hangpa nati minute 44 aser 59buba nung agüja liasü.
Azedon pur taruba asaya nung G Rio School sen July 4 nü asayatsü.
Tanabuba asaya nung telok anapronglai goal kaka dang agütsütet aser Rüzhükhrie GHSS-i tie-break ajanga 5-4 agi Baptist High Kohima madak takok angu. Asaya nung mezüngbuba goal Baptist High Kohima nungi asayar Neizozhoto-i minute 7buba nung agütsü aser iba sülen minute 40 buba nung Rüzhükhrie GHSS nungi asayar Keneisa-o-i goal ka agüja asaya 1-1 nung tembang. Rüzhükhrie nungi asayar Menuoletuo yellow card ka achi. Iba takok ajanga Rüzhükhrie GHSS pur July 4 nü Dainty Buds den asayatsü asoshi maongka ngutetogo.
June 30 nü asaya yamai alitsü:
1. North Field vs Mt. Senai @ 1PM
2. Model HSS vs Minister Hills HSS @ 2:50 pm