1buba Kohima District Inter-School Football Tournament osang

Kohima, July 1 (TYO): Tang tasayadak 1buba Kohima district inter school football tournament nung Bethel HSS aser TM Govt HSS pei tata asaya koka quarter final tongtetogo. Iba asayamong ya Royal Club Kohima-i ayongzüka local ground nung asayadar.
Tanü mezüngbuba asaya nung Bethel HSS-i 7-0 agi Charity School madak takok angu. Bethel HSS pur atema minute 27 buba nung Chungshen-i goal agüja tenzük aser asaya mezüngbuba shilem goal kaji dang agütsür tembang. Ajisüaka asaya tanabuba shilem nung Fredick-i minute 43 buba nung parnok asoshi tanabuba goal agütsü aser maneni pa atema tanabuba aser par telok atem trok buba ta pai minute 61 buba nung goal ka agütsü. Tingbadingwangbe iba asayamong nung hattrick agütsür tanabuba kümogo. Pai goal tasembuba, pongububa aser tenetbuba ta minute 45, 57 aser 69 buba nung agütsü. Yhuzenlo-ia minute 48buba nung goal ka agütsü. Iba takok ajanga Bethel HSS pur Mt. Sinai den July 5 nü quarter-final asayatsü asoshi jangjaogo.
Tanabuba asaya nung TM Government HSS puria Stella HSS pur goal 4 agi akok. Temo, Apong, Murenkiu aser Kethovizo nungeri minute 9, 30, 53 aser 56 buba nung goal kaka agütsü. Stella HSS nungi asayar Tungphoh-i minute 61 buba nung penalty ka metsüpet. TM Govt HSS pur quarter-final July 8 nü Ministers’ Hill Baptist HSS den asayatsü.
July 3 nü asaya yamai alitsü:
1. St. Mary’s HSS vs BMS Jotsoma @1:00 PM
2. Mt. Hermon HSS vs BHS Tseminyu @2:40 pm