1buba Kohima District Inter-School Football Tournament osang

Kohima, July 3 (TYO): 1buba Kohima District Inter-School Football Tournament, Royal Club Kohima-i ayongzüka Kohima local ground nung asayadar aser tanü asaya nung St. Mary’s HSS aser Mt. Hermon HSS nati pie tata asaya koka quarter final tongtetogo.
St. Mary’s HSS puri 2-0 agi BMS Jotsoma madak takok angu. Asaya tenzüker minute 20 buba nung Supongyangeri mezüngbuba goal agütsü aser asaya tanabuba shilem nung minute 69buba nung Vivotso-i tanabuba goal agütsü. Asayamong nung mezüngbuba red card iba asaya nung BMS Jotsoma nungi asayar Kethoselie nem minute 67buba nung agütsü.
Asaya tanabuba nung Mt. Hermon HSS puri Baptist HS Tseminyu 3-1 agi akok. Mt. Hermon pur asayartem rognungi Viyodi, Haicen aser Khriesi-i minute 19, 43 aser 58buba nung goal agütsü. Baptist HS Tseminyu pur rongnungi goal kaji Siyalo-i minute 66 buba nung agütsü. Asaya nung Mt. Hermon HSS nungi asayar Kevip nem minute 17buba nung yellow card ka agütsü.
July 4 nü asaya yamai alitsü:
1. Azedon vs G. Rio @1PM
2. Dainty Buds vs Rüzhükhrie HSS @2:40 PM