1buba Kohima District Inter-School Football Tournament osang

Kohima, July 4 (TYO): 1buba Kohima District Inter-School Football Tournament, Royal Club Kohima-i ayongzüka Kohima local ground nung asayadar aser tanü asaya nung G Rio aser Rüzhükhrie GHSS nati pie tata asaya koka quarter final tongtetogo.
Tanü asaya mezüngbuba nung G.Rio School-i Azedon School madak goal ka agi takok angu. G.Rio School nungi goal ka ya minute 39 buba nung Sangti-i agüja liasü. asaya tenzüker minute 25 buba nung Azedon School nungi asayar Tepulenei nem yellow card ka agütsü.
Pre-quarter final asaya tatembangbuba nung Rüzhükhrie GHSS-i 5-0 agi Dainty Buds School madak takok angu. Rüzhükhrie GHSS puri asaya tanabuba shilem nung goal ponguprongla agüja liasü. parnok rongnungi Keviyabei-u-i minute 46 aser 62 buba nung ta goal ana agütsü, Dziesevizo, Dziesenei-u aser Menuoletuo nungeri minute 48, 54 aser 70buba nung goal kaka agütsü.
July 5 nü quarter final asaya yamai alitsü:
Mt. Sinai Vs Bethel HSS @ 2PM