1buba North East Multi Media campaign amungtsü

Dimapur, Tsüklai/February 16 (TYO): Nagaland State AIDS Control Society-i achaayanga February 18, 2019 nü Khuochiezie, Local Ground, Kohima nung 9:00 ako nungi tenzüka 1buba North East Multi Media campaign akatsü.
Iba sentong nung Health & Family Welfare, Minister S. Pangnyu Phom tongti tesemdanger asütsü aser Deputy Director General, NACO, Dr. Naresh Goel aser Major General Pradeep Nair, YSM Inspector General, HQ IGAR (N) alakteta tejaoker asütsü. Parade aser sentong lapokba sentong tembangba sülen North East State tem nungi ken toktepba alitsü aser sentong tatemi sempet agütsüba mapang agitsü, ta sorkar sangdong ka ajanga metetdaktsü.