1st Inter Departmental Football asaya tembangogo

Dimapur, August 17 (TYO) : Mezüngbuba Inter Departmental Football Tournament Changtongya Sub-Division kübok asayaba August 15, 2015 nü tembangogo. Iba asaya nung ‘The Join Team’-i mezüngbuba jenjang nung takok angu aser ‘The SDEO Team’-i tanabuba jenjang nung takok angu.
Taoba state tenüng nung Football asayar I.Yashimeren Ao-i iba asayaba sentong shibangtsü. Pai Tournament Trophy Cup, Best player, Highest scorer aser best goal keeper Trophies tem tenla agütsü. Aser ano paisa asayartem asayar tajung ka ka ama asayatsü ajungshia liasü.
Iba asaya sentong shibangba nung Imkongchuba menden asü, talila ken ka Imlisenla-i aten, tajunghsi o Organizing Committee nungi Nchumthung Kikon-i jembi aser T.Yanger Pastor CTBA-i sarasadema shibang.
Kasa sentong nung SDO (C) Changtongya, Chumlamo Humtsoe-i takoker nem takok marok agütsü. Iba asaya nung best player Join Team nungi Lanuyanger Longkumer-i agizük, highest scorer Power team nungi Shilujungba Lkr-i agizük aser Police Team-i asayar rong yimya tajungtiba senpet agüzük.