2 buba Dimapur Inter-Dist. Departmental asayamong tenzükogo

Dimapur, October 27 (TYO): Tanü, Brehostibar nü nungi tenzüka, 2 buba Dimapur District Inter Departmental Sports Meet 2016 Dimapur kübok MDSC Sports Complex nung asayatsü tenzükogo.
“District ketdangser rong nung tesendaktep aser amalitep tali lidaktsütsü nükjidong nung District Inter Departmental asayamong ya ayonga agir. District ka kübok department balala nung ketdangser aser mapa inyakertemi asayamong nung shilem agiba ajanga kati ka tali tejangjaba meteta akümba den pei taküma anema alir,” ta asayamong tenzükba sentong nung tongti tesemdanger, Dimapur Deputy Commissioner, Kesonyu Yhome-i metetdaktsü.
Anogo 3 agia asayatsü ayongba asayamong nung Badminton, Table Tennis, 100 & 200 metre asemteptsü tetoktepba, Relay Race, Tug of War, Bamboo Race aser Sack Race tetoktepbatem agitsü sentong lir.