2 buba Inter-Departmental Badminton asayamong tembangogo

Dimapur, November 21 (TYO): 2 buba Peren District Inter-Departmental Badminton Tournament yashi, Hokolbar nü tembangogo.

“Peren nung tentetba department ajunga tali lungjemdaktsütsüsa tan asayamong takok ngua ayongba atema tayonger dang pelaba lemsateper,” ta asayamong tembangba sentong nung tongti tesemdanger, ADC Peren, S. Tainiu-i metetdaktsü.

Tebur singles shilem nung YRS Department nungi Kwetrie aser Forest Department nungi Sankie nati 1 buba aser 2 buba jenjang angu.

Tebur doubles shilem nung Peren College nungi Visiezolie Yashu o Dr. Kekuchol Pusa nati 1 buba aser YRS Department nungi Kwetrie o Jakedovo Chase nati 2 buba jenjang ngua liasü.

Administration telok nungi Pelunwi R. Newmai aser Education Department nungi Opanglemla nati tetsür singles shilem nung 1 buba aser 2 buba jenjang angu.

Ano, Prison telok nungi Naro Aier o Letunu Angami aser Education Department nungi Nengnehoi o Opanglemla nati tetsür doubles shilem nung 1 buba aser 2 buba jenjang ajangzük.

Tan asayamong nung Peren College aser Prison Department nati Best Participating Teams sempet agizüka liasü.