2 buba ‘Jurassic World’ film 2018 küm sayatsü

Los Angeles, July 24 (Agencies): Tanabuba Jurassic World film June 22, 2018 nung sayatsü sentong renemba osang ka Universal Studios teloki tanü Hokolbar nü metetdaktsüogo.
Jurassic World nung tongti shilem agir, Chris Pratt aser Bryce Dallas nati maneni tanabuba Jurassic World film nunga tongti shilem agitsü asoshi renemba osanga par teloki metetdaktsü.
Ajisüaka, Jurassic Park film 4 buba, Jurassic World direct asüsang, Colin Trevorrow-i tesüsaba Jurassic film-bo direct masütsü renemba osang ka hollywoodreporter.com-ia metetdaktsü.
Taoba June ita mezüngsüa sayaba sülen Jurassic World film-i Avatar aser Titanic film na sülen anidaka alima ajunga nung sen timba aazükba film rong nung tasembuba jenjang ngutetba oanga bushitetogo.
Ano külen, Steven Spielberg Jurassic film yangluba maparen nung maneni executive producer alitsü aser Frank Marshall-i kasaji produce asütsü renemogo.