2 buba Lotha Women Sports Meet tenzükogo

Dimapur, January 27 (TYO): Wokha Deputy Commissioner, A. Robin Lotha-i lapoktsüba sülen 2 buba Lotha Women Sports Meet Wokha kübok public ground nung tanü Bodbar nü nungi asaya tenzükogo.
“Takoker ka akümtsü asoshi tazüokba nung alitsü aser bendanga agütsütsü nungdaker. Tan asayamong nung shilem agir ajungai telungjem lidaktsütsü ajungshir,” ta shia, tongti tesemdanger, Robin-i tanü asayamong lapoktsü.
Tanü Tsumang o Saron telok na aser Baghty o Niroyo telok na tsüngda asayaba football asaya goal 0-0 draw nung tembanga liasü.
Asüng, Brehostibar anepdang 8:00 ako nungi tenzüka football aser volleyball maneni toktep asayatsü renema lir.
Iba asayamong ya Wokha District Lotha Women Sports Association (WDLWSA)-i ayonga lir.