2 buba PBL: Carolina nübo sen timba ali alizükogo

New Delhi, November 09 (Agencies): 2 buba Premier Badminton League (PBL) asayamong atema asayar nübo alizüktsü sentong nung Spain tsür, Carolina Marin nübo sen timba agi alizükogo.
Kidambi Srikanth-ia India asayar rong nung sen timba aazükba osang jangjaogo.
Hyderabad Hunters teloki sen lakh 61.5 agi Olympic champion, Carolina nübo alizük aser Awadhe Warriors teloki sen lakh 51 agi Srikanth nübo alizüka liasü.
Olympics nung silver medal agizük aka, P V Sindhu nübo alizüktsü atema sen lakh 39 dang agütsüba osang angazükogo.
1 buba PBL asayamong atema asayar nübo alizüktsü sentong nung sen timba aazükla, Saina Nehwal nübo alizüktsü asoshi PBL nung shilem agir telok kati danga sen agütsütsü onük mebenokba yong taoba asayamong nung la densemba telok, Awadhe Warriors telokisa la nübo sen lakh 33 agi alizüka liasü.
Mumbai Rockets teloki sen lakh 60 agi South Korea tsür, Sung Ji Hyun nübo alizüka, la nübo alizüktsü atema sen timba aazüker asayar 2 buba aküm aser defending champions, Delhi Acers teloki Denmark nunger Jan O’Jorgensen nübo sen lakh 60 agi alizük.
2 buba PBL asayamong taruba 2017 küm January ita 1-14 nü tashi asayatsü ayonga lir aser iba asayamong nung champions teloki senpet sen crore 3, tanabuba jenjang angur teloki senpet sen crore 1.5 aser semifinal nung tamakok angur telok anapronglai senpet sen lakh 75 agizüktsü.