2-Dimapur-II A/C kübok Congress züngsem 58 party nungi anener

Dimapur, November 26 (TYO): 2-Dimapur-II A/C kübok ACCC, AMCC, AYC aser polling booth nungi Congress Party züngsem 58 tashi party nungi anentsü shidi November 26, 2015 nü agütsüogo aser ozü lenir Urban Development Advisor, S.I Jamir den teka amteper inyaktsü lemtetogo, ta Brihostibarnü 2-Dimapur-II, ACCC Tir, S.I. Tangit-i sangdong ka ajanga metetdaktsü.

Kasa sangdong ajanga S.I Tangit-i, “Onoki melungsoa mulungsentsü ajak agi tensa ajak nung pa nungitsü lemtetogo. Tangar tetuyuba nung masü saka onoki pei tangatetba nung melungteta anener,” ta metetdaktsü.