2008 Malegaon bomb lendong ken o nung Purohit nem bail magütsür

Mumbai, September 26 (Agencies): 2008 küm Malegaon nung bomb lendong agütsüba ken o nung tongti tai tonglokja alisang, Lt Col Prasad Purohit-i bail meshi, ajisüaka tanü NIA ken o akaba special court kati magizük.

Special Judge S D Tekale-i iba obendang agüja liasü.

National Investigation Agency (NIA)-i Maharashtra Control of Organised Crime Act (MCOCA) kübok iba ken o nung charges agienogo aser Unlawful Activities (Prevention) Act kübok ken o akatsüji tim masü ta shia pai bail meshia liasü.

Purohit-i, bomb lendong agütsüba nungji pai shilem kecha agia mali, aser ken o makai tesüiba küm tenet tashi pa tepuokdak liasü, ta ashi.

Ajisüaka NIA-i pai bail atema mepishibaji magizük. Pai kuli agütsübaji ken o akaba mapang nung ang shisadangtsü, okadaki ashi.

Mezüng bushisüngdang ajanga Purohit anema kuli peria lir, ta court-isa ashi.

2008 küm September 29 nü Maharashtra, Malegaon jila nung bomb lendong agütsüba ken o nung Sadhvi Pragya Singh Thakur aser Purohit na densema nisung terana pua lir. Iba lendong nung nisung trok asü aser nisung noklang ka dak tema yirua liasü.