New Delhi, August 07 (Agencies): 2012 küm nungi tang tashi nung linük nung kiralongraba, telungpur rara aser arrtsülen rara nung defence sepai 200 dak tema süogo, ta sorkari tanü metetdaktsü.
Lok Sabha nung tezüluba nung telangzüba ka agüja defence minister Manohar Parrikar-i, 2012 küm defence sepai 61 taküm tenla agüja asü aser 2013 küm nunga sepai 54 asü, ta ashi.
2014 küm defence sepai 56 aser taküm August 3 nü tashi nung sepai 30 taküm tenla agüja süogo, ta paisa metetdaktsü.
LoC aser tesem tezülen Indian Army tem operation balala nung ceasefire temzüng alema inyakba rara, Border Action Team, Improvised Explosive Device aser kiralongrartemi amakba balala nung asü, ta paisa shisem.
2012 nungi kiralongraba ajanga sepai 200 süogo added by asungba on
View all posts by asungba →
You must be logged in to post a comment Login