2014 küm atema ‘Gandhi Peace Prize’ senpet ISRO-i nguogo

India Tir, Pranab Mukherjee-i Gandhi Peace Prize 2014 küm atema Indian Space Research Organization (ISRO) nem agütsütsü shimtetogo. Aser iba senpetji ISRO Mendenbuba A S Kiran Kumar-i Rashtrapati Bhavan, New Delhi nung sentong ka alidang Tir ket nungi agizükogo.
Gandhi Peace Prize terasa tatsü agi yamai :
‘Gandhi Peace Prize’ ya Union sorkar-i 1995 küm Mahatma Gandhi tasoba küm 125 ajungba mong nüngtem nungi tenzüka agüja arur. Iba senpet ya küm shia kija, aser reju balala nem, lokti liba, rongsenketsüng, yimsüsübaren aser Gandhi-i sayuba mapa inyakba purtem tem /Reju nem agütsür.
Iba senpet nung nüngo, kuli kaket aser senpet sen crore ka densema lir.
‘Gandhi Peace Prize’ sempet ya mezüngbuba Tanzania Tir, Julius Nyerere-i 1995 küm agizük, ano iba sülen Ramakrishna Mission, Baba Amte, Bharatiya Vidya Bhavan, Grameen Bank, Nelson Mandela, Desmond Tutu nunger aser rejutem-i agizükogo.