2014 küm gari lendong nung India nunger lakh 1.37 süogo: WHO

Bengaluru, October 25 (Agencies): 2014 küm India nung gari lendong nung nisung timtiba asüba state pezübubaji Karnataka lir.
Karnataka state nung gari lendong nung nisung 10,444 süogo, iba den külemi yimtitem rongnung nunga kasa state nung aliba yimti, Bengaluru jenjang pezübuba nung lir, aser iba yimti nung nisung 729 tashi gari lendong nung asü.
Yaküm Karnataka nung gari lendong 43, 694 nung nisung 56,818 yiruogo.
Hombar nü sangdongba Road Safety 2015 WHO Global Status Report nung ajemdaker Delhi nung aliba NGO, Savelife Foundation-i iba ya sangdongogo.
2014 küm India nung gari lendong nung asüba aser soseta asüba data ya NCRB nungi anguba lir aser kasaji WHO report nung lir.
WHO osang ajanga ashiba agi, küm shia alima nung nisung million 1.25 gari lendong balala nung asür, aser item rongnung India nunga lakh 1.37 süogo. Iba tetezü 2014 küm nisung lakh ka shia nungi nisung 16.6 gari lendong nung süogo.
NGO Savelife Foundation-i bushitetba agi, gari lendong nung yirurtem nem emergency medical teyari agütsü asübo asürtem shilem 50 bo taküm kümzüktetla, koba tetezü Karnataka kija nunga küm shia nisung 5000 bo kümzükla.
2014 küm India ajaklen gari lendong ajuruba sülen yirur shilem ishika dang ambulance ajanga belena liasü.
2014 küm India nung gari lendong nung nisung timtiba asüba state 10 ji- Uttar Pradesh nung nisung 16284 tashi asü, Tamil Nadu nung nisung 15,190 asü, Maharashtra nung 13,529, Karnataka nung 10,444, Rajasthan nung 10,287, Madhya Pradesh nung 9292, Andhra Pradesh nung 7908, Gujarat nung 7857, West Bengal nung 6478 aser Bihar nung nisung 4822 tashi süogo.