2014 küm kiralongraba ajanga kongshiba linük 10 rongnung India lir

New Delhi/New York, November 19 (Agencies): 2014 küm kiralongraba mapa ajanga mejungi kongshiba linük 10 rongnung India densema lir, ta report tasen ka ajanga metetdaktsü.

Alima nung kiralongraba mapa tesadang ka dang nungi talibo ISIS aser Boko Haram telok ajanga lir, ta kasa osang ajanga ashi.

Global Terrorism Index 2015 (GTI) third edition ajanga ashiba agi, 2014 küm kiralongraba ajanga kongshiba linük 162 nungi mejungi kongshiba linük tarensen 6buba nung India linük lir.

2014 küm India nung kiralongraba ajanga nisung asüba shilem 1.2 tuogo. 2010 küm sülenbo kiralongraba ajanga asüba timba 2014 küm lir.

2014 küm kiralongraba tatalokba 763 liasü, ta Washington nung aliba Institute for Economics and Peace ajanga ashi.

India nung 2014 küm Islamic kiralongrar telok tamajungba anaji Lashkar-e-Taiba (LeT) aser Hizbul Mujahideen na liasü.

2014 küm nisung 24 asübaji Pakistan nung aliba LeT ajanga lir, aser kasa küm nisung 11 asübaji Hizbul Mujahideen elok aajanga lir.

2013 küm India nung Hizbul Mujahideen teloki dang taküm tenla agüja kiralongraba inyak saka 2014 küm nungbo taküm bendanga agüja amakba maliasü, ta kasa osang ajanga ashi.

Kiralongraba ajanga tamajungtiba kongshiba tarensen 4buba nung Pakistan lir aser tarensen 35buba nung US lir.

Alima nung kiralongraba ajanga nisung asüba shilem 51 bo ISIS aser Boko Haram telok ajanga lir.

2000 küm nungi 2014 küm tashi nung alima nung kiralongraba ajanga mejungi kongshiba linük 10 rongnung küm shia India densema arur.