New Delhi, August 04 (Agencies): 2014 küm linük nung osangbenertem yirutsüba aser amakba ken o 113 liasü, ta tanü sorkari Parliament nung metetdaktsü.
Item ken o timtibaji Uttar Pradesh nung 63 liasü, aser item ken o nung nisung timtiba apubaji Madhya Pradesh nung 10 liasü.
Lok Sabha senden nung Minister of State for Home Haribhai Parathibhai Chaudhary-i, 2014 küm nungi tenzüka National Crime Records Bureau-i osangbenertem amakba data bendener, ta metetdaktsü.
“Osangbenertem tepsetba atema data balaka mebendener. Data anguba agi, 2014 küm osangbenertem dak amakba ken o 113 benoka liasü, aser item ken o nung nisung 30 bo puogo,” ta minister-isa ashi.
Kasa data ajangasa, Bihar nung osangbenertem amakba ken o 22, Madhya Pradesh nung ken o 7, Maharashtra nung 5, Jharkhand aser Gujarat naprongla nung asem-sem, Andhra Pradesh nung pezü, Assam nung ana aser Tripura nunga ken o ana liasü.
2014 küm osangbenertem amakba ken o 113 liasü: Sorkar added by nungsang on
View all posts by nungsang →
You must be logged in to post a comment Login