2015-16 I-League: East Bengal-i goal 3-2 agi Aizawl telok akok

Aizawl, March 12 (Agencies): Ranti Martins-i hat-trick yangluba ajanga par East Bengal FC teloki goal 3-2 agi Aizawl FC telok madak takok ngua tang tasaydak 2015-16 I-League asayamong nung tanü, Honibar nü shilem agiogo.
Martins-i asaya tenzüker minute 69 buba, 85 buba aser 88 buba nung goal 3 agüja par East Bengal telok asoshi hat-trick-ji yanglua takok ngudaktsü.
Brandon Valpuia aser Yuta Kinowaki natia minute 19 buba aser 58 buba na nung goal kaka agütsüba ajanga par Aizawl telokia tanü asaya nung goal 2 tashi agüja liasü.
Asaya tenzüker minute 67 buba nung defender Emmanuel Chigozie-i red card temerenshi ngua asayadak nungi temaleni tuguadoktsüsa jenjang tamajung ajuruba yong par Aizawl asayar 10-i dang tanü asaya tembanga asayaba osang jangjaogo.
Tan goal 3 tashi agütsüba sülen Ranti tan asayamong nung ajak agi goal 11 agütsür asayar kümogo.
Tanü takok anguba densema, East Bengal teloki asaya 11 nungi points 20 ajangzüka tan asayamong nung temaba jenjang nung alir telok – Mohun Bagan aser Bengaluru FC na points 2 agi memenepi lir.