London, November 18 (Agencies): 2015 World Athlete of the Year sempet agütsütsü asoshi shimba finalist 3 nung Usain Bolt, Ashton Eaton aser Christian Taylor nunger densemba osang ka International Association of Athletics Federations (IAAF)-i tanü Bodbar nü metetdaktsüogo.
Alima ajunga nung tekaraba asemsang, Jamaica nunger arishi küm 29 tain Bolt-i Beijing nung ayongba World Championships nung tebur 100, 200 aser 4×100 metres takokba maneni ngua tang temaba jenjang nung lir.
America nunger decathlete, arishi küm 27 tain Eaton-ia otsüsütsüsa points 9,045 ngua tanabuba world gold medal atonga agizükba osang bushiteta lir.
America nunger triple jumper, arishi küm 25 tain Taylor-ia metre 18.12 alema world gold medal agizükba ajanga alima ajunga nung talangba alemteter tanabuba asayar küma otsü yanglua lir.
Tetsür shilem nunga Ethiopia tsür Genzebe Dibaba, Netherlands tsür Dafne Schippers aser Poland tsür Anita Wlodarczyk nunger finalist 3 aliba osang jangjaogo.
2015 Athlete of the Year award atema Bolt, Eaton & Taylor shimer added by nungsang on
View all posts by nungsang →
You must be logged in to post a comment Login