2015 EPL: Tottenham Hotspur-i Manchester City goal 4-1 agi akok

London, September 26 (Agencies): Tottenham Hotspur teloki goal 4-1 agi Manchester City telok madak takok ngua tang tasayadak English Premier League (EPL) asayamong nung tanü Honibar nü shilem agiogo.
Tan tamakok anguba ya Manuel Pellegrini-i aniba City teloki tang tasayadak EPL asayamong asaya 4 nung tasembuba tamakok ajurur lir.
White Hart Lane-i tanü asaya tenzüker minute 25 buba nung goal 1 agüja par City telok temaba jenjang nung ajungkettsü.
Ajisüaka, Hotspur asayar, Eric Dier-i asaya mezüngbuba shilem tembangtsü mapang nung goal 1 agüja par telok anaprongla kasa jenjang kümdaktsü.
Asaya tanabuba shilem tenzüker minute ishika tsüngda nung Toby Alderweireld-i pa tekolak agi tongokja par Hotspur telok asoshi 2 buba goal agütsüba ajanga par telok temaba jenjang aküm.
Tesülen, külem asayar, Harry Kane aser Erik Lamela natia goal ka ka agütsüba yong par teloki goal 4-1 agi temaba jenjang ngua tanü asayaji akok.