2015 küm Afghanistan nung yiruyipong timba atalok:UN

Kabul, February 14 (Agencies): 2015 küm Afghanistan nung mepetmesü balala adoka raraba mapang public timba yiruba osang jangjaogo. Linük nung asür aser teyirur ajak agi parnok nisung 11,000 shi liasü, ta Deobarnü UN mission ajanga küm piyong indang osang agütsüba mapang metetdaktsü.
Iba tatalokba ya 2014 küm atalokba dang nungi noklang nung shilem pezü sü agi timba lir, ta UN Secretary-General indang Afghanistan Special Representative, Nicholas Haysom-i osangbenertem dang ashi.
Iba tatalokba ajanga onoki taküm 2016 kümbo public kümzüka ayutsü asoshi mera balala tashi ita agitsü lemtetogo,” ta United Nations Assistance Mission in Afghanistan (UNAMA) nunga tekolakba Haysom-i ashi.
Linük nung ali aser anüng nungi raraba dang masü saka temang nung tapoktsü alenloker taküm tenla agüja pokdaktsürtemi lendong agütsüba ajanga tasüba aser teyiruba onsara tali atalok, ta “2015 Annual Report on Protection of Civilians in Armed Conflict” osang agütsüba mapang metetdaktsü.