2015 küm arishi küm 5 teküpbokpur teimba asü

New Delhi, October 07 (Agencies): India nung 2015 küm arishi küm pongu ser teküpbok tanurtem timtiba asü, ta Lancet ajanga osang metetdaktsü.
Parnokisa, India nung tuberculosis aser maternal survival atema junga meinyaktet, ta ashi.
Global Burden of Disease Study 2015 ajanga alima anema alibaren asadanga Lancet nung adokja liasü, aser iba study ajanga ashiba agi, 2015 küm arishi küm pongu ser tekübokpur million ka dak tema asü, aser item rongnung temelungjang tashitak ajanga asüba timba liasü.
Kasa osang ajanga, “Tesem (South Asia) nung (India, Pakistan ama) linük aikati imlaba dang nungi stroke ajanga asüba taliba ajema kümdaktsütetogo aser (Bangladesh, Nepal) tangu sashiba timtem ajema kümdaktsütetogo. Tuberculosis tashitak atema India-i imlaba dang nungi kanga tamajungba inyaktet, aser Bangladesh-i niusng tzü nung araksetba atema junga meinyaktet. Arishi küm pongu ser tekübokpur asüba nung tesem nung linük aikati imlaba dang nungi tamajungba inyaktet, aser 2015 küm timtiba asübaji India nung million 1.3 liasü,” ta metetdaktsü.
Kasa study ajanga, nosodang asüba nokdangba nung Bangladesh junga kümogo aser  India o Nepal linüki junga meinyakatet, ta ashi.
Study ajangasa, nisung arishi küm teimba kümaka alima nung nisung 10 asüba shia nungi nisung tenetbo memenatepba tashitak balala ajanga lir aser nisung 10 asüba nungi nisung kabo tekolak angohba, tepo nung tapok, tenarong timtem aser tenük apokba ajanga lir ta bushitet.
Parnokisa, alima nung 2015 küm tetsür 2,75,000 mashisa alidang mesüra nosodang asü, ta metetdaktsü.