2015 küm India nungeri meimba yimsüsürji APJ Abdul Kalam liasü

New Delhi, January 6 (Agencies) : 2015 küm tatalokba aser ashishitep aketba ken o aika atalokogo, ajisüaka onük aika atsütepaka nübortemi meimba yimsüsürtem rongnung Prime Minister Narendra Modi tanabuba jenjang nung liasü.
2015 küm nübortemi meimba yimsüsür rongnung mezüngbubaji asür Dr APJ Abdul Kalam liasü. Pa dang ‘People’s President’ ta ajar.
‘The Goonj India Index 2015: 7 Deadly Indian Sins’ nung agüja aliba tenüngtem rongnung Bollywood celebrity aser sports asayar aika dena lir.
Google search, Twitter, Facebook pages, news websites aser YouTube search amala nungi tenüng bendenba sülen iba tenüng tarensen ya adok aser 2015 küm India nungeri kanga meimba nisungji Bollywood actor Salman Khan (296.44 GPM) liasü ta shia lir. 1GPM ta asüba ya digital media nung 100K lir.
Salman sülen tanabuba jenjang nung Bollywood star Deepika Padukone (162.65 GPM), tasembuba nung Dr APJ Abdul Kalam (128.46 GPM) aser pezübuba nung India nunger Test captain Virat Kohli (108.70) nunger lir.
2015 küm India nungeri kanga meimba tarensen nung Shah Rukh Khan (106.92 GPM), Akshay Kumar (92.89), Priyanka Chopra (87.55), Vijay (74.70), Sachin Tendulkar (74.70), Ranbir Kapoor (73.32), Prabhas (72.73), Aamir Khan (63.44), Hrithik Roshan (59.49), Mahesh Babu (59.49), Cristiano Ronaldo (48.62), Amitabh Bachchan (48.62), Taylor Swift (48.62), MS Dhoni (39.72) aser Roger Federer (39.72) nungertema densema lir.
Goonj India Index ya küm shia adoker aser iba ajanga digital platform balala nung India nungeri sapuba, kanga bushiba aser jembiba indang asadangtetba osang metetdaktsür.