2015 küm tashiyim amshia raksatsüba ken o 32,077 liasü

New Delhi, April 27 (Agencies): 2015 küm linük tesem ajaklen tashiyim amshia taküm raksatsüba ken o 32,077 tashi liasü, ta tanü sorkari Rajya Sabha nung metetdaktsü.

“National Crime Records Bureau-i agütsüba osang nung ajemdaker, 2015 küm tashiyim amshia taküm raksatsüba ken o 32,077 liasü, item ken o rongnung ken o 1,706 bo teloki tashiyim amshia raksatsüba ken otem lir,” ta Minister of State for home, Haribhai Parathibhai Chaudhary-i ashi.

Iba ama timtem ajangshirtem nem senotsü teyari agütsütsü atema state tem aser Union Territory tem schemes nungita yaritsü asoshi Home ministry kübok Centre sorkari fund ka tenzükogo, ta minister-isa metetdaktsü.