2015 MTV EMSAs nung Ed Sheeran aser Ruby Rose na menden asütsü

Los Angeles, October 2 (Agencies) : Taküm MTV Europe Music Awards nung Ed Sheeran-i actress Ruby Rose den külemi menden shilem agitsü.

“October 25 nü ni #MTVEMAs nung menden asütsü. Kanga yongyar” ta Ed-i Twitter nung metetdaktsü.

Küm ka shi British nunger kentener Ed Sheeran kanga nüngtugu süa arur aser taküm February ita pai Beyoncé den külemi Stevie Wonder: Songs In The Key Of Life – An All-Star Grammy Salute sentong nung shilem agi. Ano 2014 küm kensep tekaratiba ayokbaji pa indang kensep X liasü.

Ruby Rose ya Orange Is The New Black nung shilem agiba atema nisungtemi kanga tetshir aser laia Twitter nung la menden agitsü indang osang metetdaktsü.

“Milan nung MTV EMAS mapang Ed Sheeran den külemi menden shilem agitsü” ta laia sangoktsü.

2015 MTV Europe Music Awards nung Ed Sheeran-i menden shilem agiba dak alia pa sempet shilem pezü nung tenüng jateta lir. Itemji Best UK & Ireland Act, Best Male, Best Live Act aser Best World Stage nungertem lir.

Taküm MTV Europe Music Awards nung shilem timba nung tenüng jateta alibaji Taylor Swift lir.

October 25 nü Milan yimti nung aliba Mediolanum Forum nung 2015 MTV Europe Music Awards alitsü.