Nagpur/Mumbai, July 30 (Agencies): 1993 küm Mumbai nung bomb aika pokdakja amakba ken o nung küm 22 lir sülen tanü Nagpur Central Jail nung Yakub Memon pa arishi küm 53 ajungba anogomung nung alenseta südaktsüogo. Memon-i pa tasüba agi merenshitsü aliba mapang atsülangtsü asoshi mepishibaji Supreme Court obendanger asem- Dipak Misra, Prafulla Chandra Pant aser […]
Dimapur, July 30 (TYO): 2012 küm May 2 nü nisung ka tenüng agi Mithun Prasad-i küm terka tetsür chanu ka dak tashiyim agi mapa tamajung inyakba temerenshi küm ter tepuokdak ayutsü asoshi tanü Brehostibar nü yangi Dimapur nung District aser Sessions Court nung obendangeri obendang agütsüogo. Iba nisungba jagi tashiyim amshia merenshila tetsür chanulaji pa […]
Kohima, Julu 30 (TYO): Naga yimten ken o tatem küma melatetteti alinungji, iba tebilemtsü ken o nung shisalemsateptsü asoshi July 31, 2015 nü anüngdang 11:00 ako nungi Regional Centre for Excellence in Music & Performing Arts (RCEMPA), Jotsoma nung Nagaland Legislative Assembly Speaker, Chotisuh Sazo-i senden ka ayongzüka lir. Iba senden nung Forum for Naga […]
Kuala Lumpur, July 30 (Agencies): Tir tasen shimba sülena tang tashishitsü ken o ajurushiba FIFA-i par timtem maneni ajurutsü ta International Olympic Committee (IOC) Tir, Thomas Bach-i tanü Brehostibar nü metetdaktsüogo. “Tir tasen shimba ajanga masü saka temelenshi tajung agia kechisarena ajunga ochishia inyakba ajanga dang FIFA-i par tashishitsü ken o ajunga agientettsü,” ta Bach-i […]
New Delhi, July 30 (Agencies): 2016 Indian Premier League (IPL) football asayamong nung tongti shilem agidaktsütsü nükjidong nung FC Pune City (FCPC) teloki Romania nunger Adrian Mutu par telok nung tanü Brehostibar nü aniokogo. Par telok jenjang tajungba kümdaktsütsü aser tanüngba asayartem ajungmesotsü nükla yur külen, FCPC teloki taoba Juventus aser Fiorentina asayar, Mutu ya […]
Dhaka, July 30 (Agencies): South Africa bowler, Dale Steyn-i Dhaka nung asayaba 2 buba Test lapokba anogo nung, tanü Brehostibar nü Bangladesh opener, Tamim Iqbal asayadak temaleni yoka Test wicket 400 agir South Africa asayar 2 buba kümogo. S Africa skipper, Hashim Amla-i Iqbal-i slip tsütsüleni yokba ball apuba sülen arishi küm 32 tain fast […]
Lexington, July 30 (Agencies): India nunger tennis asayar, Yuki Bhambri-i Croatia nunger Matija Ecotic madak 1 buba round asaya koka tang tasayadak Lexington ATP Challenger indang 2 buba round nung shilem agitsü jenjang tanü Brehostibar nü nguogo. Ajisüaka, külem sensopur, Ramkumar Ramanathan-i tanü tamakok ajurua liasü. Yashi tzünglu kanga sashia aruba yong Yuki o Ecotic […]
Dimapur, July 30 (TYO) : Tebu Tedi, Wb.Kibangwari 2005 küm zülur adokba ‘Naga Yimten Watang” kaket ano tanaben menünger adoka lir. Iba kaket ta Dimapur, Kohima aser Mokokchung nung Tir Yimyim office nung angutsü. Ano kasa tesemtem nung Tiala Imcheni züluba “ Ao Lima Nüktzü” aser Tir Yimyim-i adokba kaket ‘Shisanü’ aser Shisakuti kakettem angutsü.
Dimapur, July 30 (TYO): Atsünga aliba sepai 23 tangbo Naga nübur tarutsü mangdang aliba yimtenren telok dangi meyiptsü lemtetba asoshi NSCN/GPRN-i pelaba asen Naga nüburtem dang sangdonger, ta NSCN/GPRN, Ministry of Information & Publicity sangdong ka ajanga metetdaktsü. Tanü parnoki telemtetba shitak agiba asoshi onoki tenüngsang agütsür. Onoki parnok sarasadema pela agizüker aser tajungtiba asoshi […]
Dimapur, July 30 (TYO): Ita shia amenba Mangkolemba Sub-Divisional Planning and Development Board (SDPDB) senden August 05, 2015 nü ADC office nung amentsü, aser iba senden nung taruba Independence Day benjungmung atema programme aser mapalem dak sentakba o lemtep akatsü, ta Mangkolemba ADC office sangdong ka ajanga tanü metetdaktsü. Official temetetdaktsüba ka ajanga Mangkolemba ADC-i […]