2016-19 atema KPC ketdangpur tasen shim

Dimapur, May 13 (TYO) : Hokolbarnü Kohima Press Club (KPC) nung 2016-19 kümsük atema ketdangpur tasentem shimogo.
KPC Executive Council nung züngsemtemji, Xavier Rutsa (President), Atul Sharma (Vice President), Alice Yhoshü (General Secretary), Ng Solomon Sha (Treasurer) aser Ozunglemba Jamir (Joint Secretary) lir, ta KPC Election 2016, Chief Election Commissioner, Kopelo Krome-i sangdong ka nung metetdaktsü.
Executive Council nung ketdangpurtem den tetokteper shinga melii dang takok angu aser Tir tanaben shimshiba, Xavier Rutsa-i senden nung tesenteper ajak dang pelaba metetdaktsü.
“Tang ketdangpur tasen shimba rongnung taoba mapang inyaker züngsem asem lir aser teloki onok dak tamang kaa tanaben shimba atema pelar,” ta Xavier-i ashi.
Maneni KPC züngsemtemi ketdangpur tasentem den yaritepa state yimtiba nung Press jenjang tajungba kümdaktsütsü mepishir, ta KPC Tir-isa ayongzük.
Iba senden nung KPC züngsem 28 aden, ta Chief Election Commissioner sangdong nungsa shia lir.