2016 AMAs temaba award atema Justin Bieber, Selena tokteper

November 16, 2016: Taküm November 20 nü 2016 American Music Awards mapang ‘Artist of the Year’ award atema Pop kentener Justin Bieber aser taoba mapang tedong, Selena Gomez na tokteptsü.
Iba award telemsa nung arishi küm 22 Bieber aser arishi küm 24 Gomez na dang masü saka Ariana Grande, Rihanna aser Carrie Underwood nungera dena lir.
Justin Bieber kenten sentong anogotemji American Music Awards sentong den külemi amshir, ibayongji Selena Gomez mulung anisüngzüker, ta osang angashir.
2016 AMAs sentong nung Lady Gaga, Fifth Harmony, James Bay, Green Day, John Legend, Bruno Mars, Shawn Mendes, Twenty One Pilots, The Weeknd nungeri shilem agitsü aser Chainsmokers o Halsey, Ariana Grande o Nicki Minaj aser Maroon 5 o Kendrick Lamar nungeria duets (nisung anati atenba ken) atentsü.
‘The American Music Award of Merit’ award atema shima alisang, Sting-ia ken atentsü aser iba sentong ya supermodel Gigi Hadid aser Jay Pharoah nati yaritepa ketdangsütsü.
October 10 nü 2016 American Music Awards atema nominee tem “Good Morning America” nung kentener, Joe Jonas aser Rachel Platten nati sangdonga liasü.
Nomination timtibaji category 13 atema Drake shima lir, aser ibaji ajanga küm ka kija nung AMA atema nominations timtiba otsü tasen ka yangluogo. 1984 küm AMAs atema category 11 nung Michael Jackson kentener shima liasü.
Ano tanga nominations rongnung Rihanna nominations tenet, Adele aser Justin Bieber na pongungu aser Beyoncé o The Chainsmokers na nominations pezüzü nung shima lir.