‘2016 Google Searches’ jenjang 7buba nung Priyanka lir

Mumbai, Dec. 14 (Agencies): India tsür actress aser International kentener, Priyanka Chopra aser fashion designer, Anita Dongre nata 2016 küm Google Search temaba jenjang nung densema lir.
Google indang official list, Oscar Red Carpet Dresses category nung Priyanka jenjang 7buba nung lir aser designers list jenjang 7buba nung Dongre lir.
Oscar red carpet mapang Priyanka-i Lebanon nunger designer, Zuhair Murad-i yangluba gown asem aser ibaji ajanga nisung aika puadakja liasü. Oscar Red Carpet Dresses’ temaba jenjang nung Jennifer Garner aser tanabuba jenjang nung Jennifer Lawrence lir.
Duchess of Cambridge, Kate Middleton-i India semdangdang lai India nunger nüngtugu designer, Dongre-i design asüba süoshi ka asemba ajanga la tali nüngtugu akum.
Fashion designer list mezüngbuba jenjang nung Indian-origin American designer, Rachel Roy lir aser tanabuba jenjang nung jakrep- Mary Kate aser Ashley Olsen na lir.
Ano 2016 küm Entertainment temaba jenjang nung Netfilx drama ‘Stranger Things,’ pop kentener ‘Beyonce,’ aser game ‘Pokemon Go’ densema lir.
Most Searched People mezüngbuba jenjang nung US Tir atema shima alisang, Donald Trump aser tanabuba jenjang nung Hillary Clinton lir.
Most Searched Actor mezüngbuba jenjang nung actor Brad Pitt lir aser tanabuba jenjang nung Tom Hiddelston lir. Actress rongnungia mezüngbuba jenjang nung Meghan Markle lir aser tanabuba jenang nung Marion Cotillard lir.