2016 IPTL: Indian Aces-i Japan Warriors akok

Saitama, December 03 (Agencies): Indian Aces teloki Japan Warriors telok madak takok ngua, 2016 International Premier Tennis League (IPTL) asayamong nung takok ngua shilem agi tenzükogo.
Aces teloki points 30-17 agi Warriors telok madak yashi, Hokolbar nü ayong ayonga takok ngua liasü.
Aces asayar, Kisten Flipkens-i points 6-2 agi Kurumai Nara tetsür singles asaya nung tsükdakja, par telok temaba jenjang kümdaktsü.
Mixed Doubles asaya nunga külem asayar, Saina Mirza o Rohan Bopanna nati points 6-5 agi Jelena Jankovic o Jean-Julien Rojer na madak takok ngua, par Aces jenjang tajungba kümdaktsü.
Austalia nunger Mark Philipppussiso-ia points 6-3 agi Russia nunger Marat Safin tsükdakja, par Aces jenjang maneni temaba jenjang nung ajungkettsüba sülen Feliciano Lopez o Ivan Dodig nati points 6-2 agi Rojer o Fernando Verdasco na madak tebur doubles asaya koka, par Aces telok temaba jenjang nung ajungkettsü.
Tatem nung Feliciano-isa points 6-5 agi Verdasco madak takok ngua, par Aces telok nem takok ngudaktsü.