2016 küm Deepika Padukone atema film mali

December 16, 2015: Tawa osangbenertemi interview ka agiba sentong ka nung Bollywood nung nüngtugu actress Deepika Padukone-i, 2016 küm atema film tasen atema lai tezüngzüktep agia mali, ta metetdaktsü.
2015 küm la kanga mazüngi liogo, ajisüaka 2016 atemabo tang tashi nung lai film tasen atema tezüngzüktepa agia mali.
Lai, “Ni kecha meimlar, kechiyong 2016 küm atema ni film tasen asoshi sign süa mali,” ta ashi.
Tang actress temaba jenjang nung liaka 2016 küm atema film kata mali na (?) ta asüngdangba langzüdang lai, “Ni kanga mazüngi alitsüsa ni mapa kangabo maliba mapang ka tongogo. Sangdong atema dangbo ni film nung shilem maginer,” ta ashi.
“Kü calendar mazüngi alitsüsa ni film nung shilem agitsü menüngdak. Ni film otsü aika züngogo, saka ni jangratsüsa kecha mangu,” ta lai ashi.
2015 küm Deepika-i film asem- Big B aser Irrfan Khan na den “Piku” film, Ranbir Kapoor den “Tamasha” aser Sanjay Leela Bhansali indang “Bajirao Mastani” film nung Ranveer den shilem agia lir.