2016 küm India nung Airtel ya ‘Fastest Mobile Network’ liasü

New Delhi, March 02 (Agencies): Mobile network tendanger telok ‘Ookla’ ajanga India nung ‘telecommunication service’ agütsür ajunga indang tashi tendangba nung Bharat Airtel ya 2016 küm mobile network tekaratiba liasü, ta metetdaktsü.
Tanü-asüng adokba oset balala amshia tetendangba balala agiba nung Ookla indang ‘Speedtest’ app amshia iba ya bushitet.
Iba tetendangba ya mobile network ajunga nung agi.
“Alima nung kanga nüngtugu company, Ookla ajanga iba ama osang sangdongba ajanga onok kanga pelar aser onoki maneni alima nung tajungtiba network agütsütsü merangtsü,” ta Bharat Airtel nung India & South Asia, Operation Director, Ajai Puri-i ashi.
TRAI ajanga tawa sayaba nunga Airtel indang 4G ya tekaratiba, ta sangdonga lir.
“Iba ajanga India nung Airtel amshir nem network tekaraba aser tashi taitba agütsüba sayur,” ta Ookla indang Speedtest nung COO, Jamie Steven-i ashi.