2016 nung Asian Highway 1 lapoktsü

Guwahati, July 26 (Agencies) : Dimapur adena Guwahati nungi Imphal aser Moreh leni aoba gari lenmang dang Asian Highway (AH-1) ta ajar aser iba lenmang ya 2016 nungbo lapoktsü ta osang metetdaktsüogo.
AH-1 ya India-Myanmar-Thailand Trilateral Highway nung shilem ka lir aser iba lenmang yagi India kübok Moreh nungi Myanmar nung Mandalay aser Yangon adener Mae Sot, Thailand den sendakteptsü. Iba lenmang ya Cambodia, Laos aser Vietnam dena sendakteptsü.
Trans-Asian Highway network kübok India-Myanmar-Thailand (IMT) road corridor ya highway ka lir. Iba highway network nung linük 32 adena kilometer 1,41,000 tasazük lenmangtem lir aser United Nations Economic and Social Commission for Asia and Pacific (UNESCAP) ajanga inyaker.
Trans-Asian Highway network ya anüdoklen Tokyo, Japan nungi anüolen tsütsü Kapikule, Turkey tashi aser ano anüdoklentip tsütsü Torpynovka, Russian Federation nungi anüolentip tsütsü Denpasar, Indonesia tashi sendakteptsü.
November, 2015 nung Myanmar nung linük asemprongla nungi transport minister senden jenjang nung senden ka alidang AH-1 atema IMT Motor Vehicle Agreement (MVA) agitsü aser iba sülen 2016 nung lenmang lapoktsü imlar.
July 13 aser 14 nung India, Myanmar aser Thailand nungi transport secretary tem Bangkok nung senden ka agidang IMT MVA tenangzüktep agitsü atema telemtetba agiogo ta sorkar otongdar kati ashi.
AH-1 ya Tokyo (connected by ferry) nungi tenzüktsü aser Seoul, Beijing, Ho Chi Minh City, Phnom to Mae Sot, Yangon, Mandalay, Tamu, Moreh, Imphal, Kohima, Dimapur, Nagaon, Jorabat (Guwahati), Shillong, Dawki, Sylhet, Dhaka, Kolkata, Kanpur, New Delhi, Attari, Lahore, Rawalpindi, Peshawar, Kabul, Istanbul adener Bulgaria arrtsü tonga aotsü.
Trans-Asian Highway network nung northeastern tsütsü shilem dang AH-2 ta ajar aser iba ya Indonesia yimti Denpasar nungi Jakarta, Singapore (connected by ferry), Bangkok, Mandalay, Tamu, Moreh, Imphal, Kohima, Dimapur, Nagaon, Jorabat (Guwahati), Shillong, Dawki, Sylhet, Dhaka, Siliguri, Kakarbhitta, Mahendranagar, New Delhi, Attari, Lahore, Quetta aser Salafchegan (Tehran) tashi lir.