2016 Olympics hockey: India Germany o Netherlands na den lemzüker

New Delhi, December 22 (Agencies): 2016 Rio Olympics nung India’er tebur hockey telok defending champions, Germany aser World No. 2, Netherlands na den külemi, Pool B telok nung lemzüktsüogo.
Tebur hockey asayar telok tarsen nung 7 buba jenjang abener India telok densemba Pool B telok nung Argentina, Ireland aser Canada nungera densema lir.
World & Hockey World League champions aser tang World No. 1, Australia, Great Britain, Belgium, New Zealand, Spain aser Brazil nunger Pool B nung densema aliba osanga jangjaogo.
Ano külen, India’er tetsür hockey teloka Argentina, Australia, Great Britain, USA aser Japan nunger den külemi Pool B nung lemzüka lir.
Tetsür Pool A nung Netherlands, New Zealand, China, Germany, Korea aser Spain nunger densemogo.
Spain tsür aser New Zealand tebur hockey telok nati 2016 Rio Olympic Games hockey tetoktepba nung shilem agitsü asoshi jaokba onük agizükba osang metetdaktsüba sülen International Hockey Federation (FIH)-i tan telok telemsaji renemer lir.
“South Africa’er tebur aser tetsür hockey telok na jaokba onük magizüktsü asoshi South African Sports Confederation & Olympic Committee (SASCOC)-i lemtetba sülen Spain’er tetsür telok aser New Zealand tebur hockey telok na Rio Olympics hockey tetoktepba nung shilem agitsü jaok,” ta FIH-i tanü sangdong ka ajanga osang jangjashitsüogo.