New Delhi, May 11 (Agencies): Brazil nung taküm August ita 2 nü nungi tenzüka asayatsü ayongba Rio Olympics nung toktepa shilem agitsü asoshi India-i taküm asayar timba yoktsü renemba osang angazükogo.
“Tanü tashi nung India nunger asayar 90 tashi Olympics nung shilem agitsü temeten ngua lir,” ta India Minister of State for Home, Kiren Rijiju-i Lok Sabha senden nung metetdaktsü.
Individual shilem nung asayar 58 aser tetsür o tebur na densema, hockey asayar 32 tashi Olympics nung shilem agitsü temeten ngua aliba osang jangjaogo.
Ano külen, asayartemi Olympics asoshi India aser bendanglen agiba renemshitsüren nung sorkari yaritepba olen ka Rijiju-isa metedakja liasü.
2016 Olympics: India-i taküm asayar timba yoktsü added by nungsang on
View all posts by nungsang →
You must be logged in to post a comment Login