2016 Rio Olympics nung shilem magitsü: Kobe Bryant

Washington, January 17 (Agencies): America nunger Basketball asayar mongin, Kobe Bryant-i 2016 Rio Olympics nung shilem magitsü lemtetba osang ka metetdaktsüogo.
“Ni basketball jangratema asayaogo saka ni joko basketball asayatsüren toktsütsü mapang tongogo. Anungji, ni Rio Olympics nung shilem magitettsü,” ta Kobe-i metetdaktsü.
Pai Rio Olympics nung shilem magi tanga asayartem nem maongka agütsütsü lemtetba osangji USA Basketball Mendenbuba, Jerry Colangelo aser Olympic Coach, Mike Krzyzewski na dena lemsatepa osang jangjaogo.
2008 Beijing aser 2012 London Olympics na indang basketball gold medal agizüksang, Kobe-i par USA Basketball national team asoshi pungoben tashi shilem agia lir.