2016 Wimbledon: Djokovic 2 buba round-i iogo

London, June 27 (Agencies): World No. 1, Novak Djokovic-i Britain nunger James Ward madak tetenzükba asaya koka tang tasayadak Wimbledon tebur singles 2 buba round asayatsü jenjang tanü, Hombar nü ajangzükogo.
Serbia nunger Djokovic-i tanü points 6-0, 7-6 (7/3), 6-4 agi Ward 1 buba round nung tsükdaktsü.
Taoba mapang Grand Slam takok marok 12 tashi agizüksang, Djokovic-i taküm agi Wimbeldon takok marok tasembuba atonga agizüksü alizüng yua lir.
Arishi küm 29 tain Djokovic-i France nunger Adrian Mannarino den 2 buba round nung ajuruteptsü.
Tetsür singles asaya nung taoba French Open champion, Serbia tsür, Ana Ivanovic-i lar tetenzükba asaya nung tamakok ajurua liasü.
Tetsür World No. 223, Russia tsür, Ekaterina Alexandrova-i tanü points 6-2, 7-5 ngua Ivanovic tsükdaktsü.
Tan mezüngsüa Grand Slam asayamong nung shilem agila, arishi küm 21 tain Alexandrova-i Germany tsür, Anna-Lena Friedsam den 2 buba round asayatsü lemzükogo.