2016 Wimbledon: Djokovic-i 1 buba round Ward den asayatsü

London, June 24 (Agencies): Taruba Hombar nü nungi tenzüka asayatsü ayongba Wimbledon tennis asayamong nung tebur defending champion, Novak Djokovic-i Britain nunger wildcard jenjang angur, James Ward den par 1 buba round asaya asayatsü lemzükogo.
America tsür, Serena Williams-ia taküm asayaba Wimbledon takok marok agizüka, Germany tsür, Steffi Graf-i taoba mapang yangluba tongti tennis asayamong takok marok 22 tashi agizükba otsü meneptsü alizüng yua lir.
Tan asayamong nung 1 buba jenjang abensang, Djokovic-i tan asayamong nung 3 buba jenjang abener aser taoba mapang Wimbledon takok marok 7 tashi agizüksang, Roger Federer den semifinal nung ajuruteptsüsa asayatsüren lemzüka lir.
Taküm 2016 küm tenzüker tanü tashi nung mezüngbuba grand slam takok marok anaprongla agizüksang, arishi küm 29 tain Djokovic-ia grand slam takok marok pezüprongla agizüktsü alizüng ayuba osang angazükogo.
Ano, Serbia nunger Djokovic-i Canada nunger Milos Raonic den quarterfinal nung ajuruteptsü akok.
Switzerland nunger Federer-ia par 1 buba round asaya Argentina nunger Guido Pella den asayatsü lemzükogo.
Tan asayamong nung 2 buba jenjang abener, Britain nunger Andy Murray-i külem sensopur, Liam Broady den 1 buba round asayatsü aser Switzerland nunger Stan Wawrinka-i America nunger Taylor Fritz den 1 buba round nung ajuruteptsü.
Tetsür singles shilem nung 2 buba jenjang abener, Spain tsür, Garbine Muguruza-ia Italy tsür, Camila Giorgi den 1 buba round asayatsü lemzükogo.