2016 Wimbledon: Federer o Raonic na semifinal asayatsü

London, July 06 (Agencies): Switzerland nunger tennis asayar mongin, Roger Federer-i quarterfinal asaya koka tang tasayadak 2016 Wimbledon tebur singles semifinal asayatsü jenjang tanü, Bodbar nü ajangzükogo.
Tan agi Wimbledon takok marok 8 buba agizüktsü alizüng ayusang, Federer-i tanü points 6-7(4) 4-6 6-3 7-6(9) 6-3 ngua Serbia nunger Marin Cilic quarterfinal asaya nung tsükdaktsü.
Tan semifinal asayatsü jenjang anguba ya Federer-i Wimbledon semifinal 11 buba aser tongti asayamong semifinal 40 buba nung shilem agitsü jenjang angur lir.
Federer-i Canada nunger Milos Raonic den semifinal asayatsü lemzükogo.
Tan asayamong nung 6 buba jenjang abener, Raonic-ia par quarterfinal asaya nung takok ngua semifinal asayatsü jenjang ngua liasü.
Arishi küm 25 tain Raonic-i tanü points 6-4 7-5 5-7 6-4 ngua America nunger Sam Querrey madak takok angu.
Raonic-i tan agi Wimbledon semifinal 2 buba nung shilem agitsü jenjang angur lir.