2016 Wimbledon: Venus Williams 3 buba round-i iogo

London, June 30 (Agencies): Taoba mapang Wimbledon takok marok 5 ben tashi agizüker, America tsür, Venus Williams-i Greece tsür, Maria Sakkari madak takok ngua tang tasayadak 2016 Wimbledon tetsür singles 3 buba round-i tanü, Brehostibar nü iogo.
Tan asayamong nung 8 buba jenjang abenla, Venus-i tanü ghonda 2 ser minute 24 nung points 7-5, 4-6, 6-3 ngua Sakkari 2 buba round asaya nung tsükdaktsü.
Arishi küm 36 tain Venus-i 1999 küm nungi tenzüka tanü tashi asayaba Grand Slam asayamong nung top 100 nung medensemba asayar ka nem danga la kokdakja mali.
Taoba mapang Grand Slam takok marok 7 tashi agizükla, Venus-i Russia tsür, Darya Kasatkina mesüra Spain tsür, Lara Arruabarrena na rong nung ka den 3 buba round asayatsü.
Romania tsür, Simona Halep-ia ghonda ka shi nung points 6-1 6-1 ngua Italy tsür, Francesca Schiavone 2 buba round nung tsükdakja liasü.
Halep-i lar 3 buba round asaya Netherlands tsür, Kiki Bertens den asayatsü lemzükogo.
Tebur singles asaya nunga France nunger Nicolas Mahut-i points 6-1 6-4 6-3 ngua Spain nunger David Ferrer 2 buba round asaya nung tanü tsükdaktsüba osang jangjaogo.
Mahut-i külem sensopur, Pierre-Hugues Herbert den 3 buba round nung ajuruteptsü.
Bulgaria nunger Grigor Dimitrov-ia points 6-3 7-6(1) 3-6 6-4 agi France nunger Gilles Simon 2 buba round nung tsükdakja liasü.
Arishi küm 25 tain Dimitrov-i America nunger Steve Johnson den 3 buba round asayatsü.