2017 atema “Kabir Puraskar” tenüng meshir

Dimapur, April 17 (TYO): Telok balala tsüngda puteptsü aser linük longjemtsü atema mapa inyaker nem Ministry of Home Affairs, Government of India-i “Kabir Puraskar” ta ser National Award ka agütsür.
Iba sempet ya Grade asem lemsar agütsür aser grade shia kulikaket den Grade-I nem sen 2,00,000, Grade-II nem sen l,00,000 aser Grade-III nem sen 50,000 senpettem agütsür, ta sorkar sangdong ka nung metetdaktsü.
Kümshia October 2 nü sempet angurtem tenüng metetdaktsür aser iba asoshi Ministry-i May 15, 2017 tashi nung tenüngtem agütsütsü mepishia metetdaktsüogo.