2017 atema mezüngbuba AHODs & HODs senden menogo

January 20, 2017 nü Secretariat Conference Hall, Kohima nung state Chief Secretary, Pankaj Kumar IAS-i taküm mezüngbuba AHODs & HODs senden nung jembiba angur.  

Dimapur, January 21 (TYO): January 20 nü Secretariat Conference Hall, Kohima nung 2017 küm atema AHODs & HODs senden mezüngbuba menogo.
Senden nung mendenji Nagaland Chief Secretary, Pankaj Kumar IAS lisaü aser pai tesentepertem ajak den Küm Tasen salem metetdaktsü aser 2017 ya ajak atema küm tajung ka asütsü imlar ta ashi.
Senden nung Home Commissioner, Abhijit Sinha IAS-i onüktem benok aser senden nung adenertemi taoba senden nung jembiba onüktem meyipa reprangshi.
LFA & PD, NSACS-i benokba proposal shisadangtsü atema Committee Convenor aser Principal Secretary, Menukhol John-i proposal ji junger ta telok dang metetdaktsü.
Taoba mapang NACO-i teyari agüja mobile ICTC-Integrated Counseling and Testing Centre liasü. NSACS-i proposal benokdangbaji mapa küma inyaktettsü aser 2017-2020 tashi sen crore 1.2 shi endoka iba mapa inyaktsü akok, ta Principal Secretary-isa metetdaktsü.
ICTC-i benokba proposal nung yimtysüng tem nung HIV & AIDS dak sendakba maparen tajungba inyaktsü shia lir ta Menukhol-isa shisem aser iba asoshi Chief Secretary-i telok dang iba proposal agizüka ayutsü aser state nung HIV & AIDS control atema sen lakh 1.5 lemzüktsütsü junger ta tebilemba lemsatep.
Senden nungsa Dimapur, Chumukedima aser Kohima nung tenzüka aliba on-line payment facility ya tanüngba district ajak nung tenzüktsü atema jembi.
PHE Department-i October 2016 nung Kohima nung water billing system tenzüka liasü aser iba mapa ya March 31, 2017 nungi mapa küma tenzüktsü, ta Secretary PHE-i ashi.
IT Department teyari agia on-line payment ya Kohima, Dimapur, Mokokchung aser Zunheboto nung tenzüktsü aser tanüngba district tem nunga tenzüktsü. District pezü nungji 2017 aser 2018 nungi computerized billing aser on-line payment systems tenzüktsü ta paisa shisem.
Senden nung Commissioner of Taxes-ia power point presentation ka sayu aser iba mapang certificate agütsüba inyakyimji online akümtsü ta ashi.
New Pension Scheme atema Chief Secretary-i ashiba agi, Department temi iba onük süoki ia agitsüla aser nüngdakba ajak tekaratiba nung inyaktsüla.
Iba maparen metenzükba Department ajaki tekaratiba nung tembanga inyaktsüla ta Chief Secretary-isa tetuyuba agütsü.
RD atema Commissioner & Secretary-ia Direct Benefit Transfer indang jembidang State Finance Department-i DBT mesüra Adhaar based payment mapa meinyaker ta metetdaktsü,
Information Technology & Communication atema Commissioner & Secretary, K.D. Vizo-ia ashiba agi linük nung state portal mezüngbuba inyakbaji Nagaland lir.
Department-i inyaktetba mapatem rongnung State Data Centre, Information Infrastructure pilot project tenzükba, State e-Governance Society ISO, National Infrastructure Project, 7 States Ministry website (Nagaland-a dena lir), Nagaland State Itanagar Society Area Network, IT&C Digital village, Common Service Centre (CSC) tem lir, ta , K.D. Vizo-isa metetdaktsü.
Northeast nung Information technology dak sendakba mapa tajungtiba inyakba state tem rongnung Nagaland densema lir aser Rajasthan, Telangana aser Orissa tem den state tajungtibatem rongnung Nagaland züngokogo, ta paisa shisem.
Senden nung Chief Secretary-i Taxes asder IT&C Department temi mapa takok ngua inyakba atema tenüngsang agütsü.