2017 Jan 1 nungi Single Emergency Number amshitsü

New Delhi, May 08 (Agencies): 2017 küm January 1 nü nungi tenzüka India tesem ajaklen single emergency number ‘112’ amshitsü, koba ajanga police, ambulance aser fire department indang emergency service balala nüburtemi mapang shitak nung angutsü.
“Single emergency number ‘112’ January 1 nungi amshitsü,” ta sorkar tongti ketdangser kati ashi.
Telecom Minister, Ravi Shankar Prasad-i emergency service balala atema emergency number amshitsü asoshi agizükogo, aser iba ya US nung all-in-one emergency service ‘911’ den kasa asütsü.
Iba service ya, anenja aliba SIM cards aser landline ajangaa amshitettsü.
Lendong aser teyari nüngdaker nisung kati 112 dangi call asütsü, aser iba call ji idangyongjisa department balala dangi aotsü. 112 tenzükba sülen küm ka tsüngda tang tamshitak emergency numbers ajak anentsütsü.
Tang India nung aliba emergency tongtepratep aser response system temji- police (100), fire brigade (101), ambulance (102) aser Emergency Disaster Management (108) lir.
“Telecom operator tem dang emergency call ajakji 112 dangi direct asütsü tuyuogo. 112 dang call asüba ji concerned department dangi yoktsü atema maparen tenzükogo,” ta ketdangseri ashi.
Nisung kati SMS ajangaa tongteprateptettsü aser system jagi call asüsang aliba tesem jangjaba sülen anasatiba help centre nem metetdaktsütsü.
Ozüng kübok January 1 nungi mobile phone ajak nung panic button system alitsü. Panic button ji ajanga phone amshirtemi emergency call sütettsü mesüra button ka kija nung anemba ajanga number balala dangi alert yoktettsü. Iba dak alia, küm ka sülen  2018 January 1 nungibo phone ajak nung GPS navigation system alitsü.
Emergency service call ji call centre ama ka dangi aotsü, kong Hindi, English aser local oshi jembirtem alitsü.