2017, June 17 nung India-Vietnam handshake concert ka alitsü

Kohima, June 09 (TYO): Rattle & Hum Music Society nungi züngsem 7-i tanü Nagaland Chief Minister, Dr. Surhozelie Liezietsu, pa indang office champer nung ajurua India-Vietnam Handshake Concert indang sentongtem lemsatepogo. Iba concert ya Hanoi, Vietnam nung 2017, June 17 anogo alitsü.
Iba sentong ya India aser Vietnam tsüngta tesendaktep lia arur küm 45 ajungba bilemteta agitsü lir.
Iba handshake concert ya Rattle & Hum Music Society aser Eclectic Northeast den külemi Ministry of DONER kübok North Eastern Council (NEC) teyari ajanga ayungzüka amongtsü, ta ketdangser osang ka ajanga sangdong.