2017 küm Google puri Pixel phone million 3.9 ayok

Tsüklai 14, 2018 (Agencies): 2017 küm Google puri Pixel aser Pixel 2 phone million 3.9 yokogo, koba 2016 dang nungi anasü agi teima lir, saka global smartphone market nungbo shilem tila ka dang lir. International Data Corporation (IDC), Research Director, Francisco Jeronimo-i ashiba agi, “GooglePixel ayokba maneni renloka odar saka smartphone shishilembadak parnok shilem tilaka dang lir.”
Pixel phone ayokba ya iPhone hopta shia ayokba dang nungi tajemba lir, ta 9to5google.com sangdong ka ajanga metetdaktsü. “Google pur indang phone million 3.9 ayokba ya Pixel 2 ayokba ajangaa lir saka pixel mezüngbuba phone nung jenjang ajemba ajanga shilem tuluba ka kümtet,” ta osang ajanga metetdaktsü. Google puri tawa Taiwan-nung amendaker aliba HTC indang smartphone design team sen billion $1.1 agi alizükogo aser iba ajanga tang Google pur ket nung Pixel smartphone yangluba nung teyari agütsütsü asoshi HTC indang intellectual property lir.
HTC alizükba ya Google puri smartphone yangluba company tanabuba alizükerba lir. Küm 6 tejakdang parnoki billion $12.5 agi Motorola Mobility alizük aser 2014 küm parnoki maneni iba company ya Lenovo dang ayok. Taoba ita Pixel XL “quite black” colour variant sen 76,000 agi yoka aliba India nung e-commerce platform Amazon nung sen 36,000 agi tajemba kümdaktsüogo.