2017 küm UP nung rongrongshirong timba liasü

New Delhi, Metsüremi 14 (Agencies): Linük nung aliba state tem rongnung taoba küm kin tsüngta azüdokshi lendong atalokba rongnung Uttar Pradesh temaba nungb lir, ta Lok Sabha nung Rasemnü metetdaktsü. 2017 küm linük nung kin o kin tsüngta azüdokshi aser rongrongshirong 822 ben atalok, 2016 küm 703 aser 2015 küm 751 ben atalok ta Union Minister of State for Home, Hansraj Gangaram Ahir-i ashi.
2017 küm state balala nung iba ama lendong atalokba rongnung temaba jenjang nung Uttar Pradesh (195 ben atalok), iba sülen Karnataka (100), Rajasthan (91), Bihar (85), Madhya Pradesh (60) nungertem lir ta tezüluba nung asüngdangba ka langzüdang pai ashi. 2016 küm iba ama lendong tulu atalokba rongnung Uttar Pradesh nung 162 ben atalok, iba sülen Karnataka (101), Maharashtra (68), Bihar (65) aser Rajasthan (63) state tem liasü.
“Item lendong ya tamangba yimsü dak sendakba, ali aser rongsen dak sendakba, tetsür-tebur dak sendakba aser social media dak sendakba nungi adok,” ta Ahir-i ashi.